क्यानाडाको क्यालगरीमा उमङ्गका साथ् होली पर्व मनाइयो

 

हिन्दुहरुको महत्वपूर्ण पर्व होली क्यल्गरीमा बस्ने नेपाली हरुले पनि मार्च २०, २०११ का दिन हिन्दु मन्दिरमा जम्मा भई अत्यन्त हर्षोल्लासका साथ् मनाए । विभिन्न पौराणिक एवं प्राचीन कथाहरु बोकेको यो रंगीन पर्व बशन्त ऋतुको नवपालुवा संगै नेपाल तथा विभिन्न मुलुकहरुमा राष्ट्रिय पर्वको रुपमा मनाइन्छ । नेपालमा जुनसुकै धर्म मान्ने जाति समूहहरुमा यो पर्व उल्लासका साथ् मनाउने चलन छ ।आफ्नो मातृभूमिबाट टाढा आएपनि आफ्नो सांस्कृतिक परम्परा तथा पहिचान जोगाउन क्यल्गरीमा बस्ने नेपालीहरुले पनि त्यसै अनुरुप सो पर्व उमङ्गका साथ् मनाए l  करीब एक सय को संख्यामा जम्मा भएका महिला तथा पुरुषहरुले एक अर्कालाई रंग अबीर लगाई नाच गानका साथ् होली मनाए । सो कार्यक्रम श्रीमती इन्दिरा उपाध्यायको सक्रियता एवं  संयोजनमा आयोजना भएको थियो ।

- कृष्ण भट्ट